المرة دى مش هيبقى شعر أى كلام
المرة دى هيبقى مع معلم الشعر صلاح جاهين وربعياته
يا عندليب متخفش من غنوتك...
قول شكوتك واحكي عن بلوتك....
الغنوة مش حتموتك...... ....انما ...
كتم الغنا هو اللي حيموتك ..... عجبي!!!! ياللي بتبحث عن اله تعبده....
بحث الغريق عن اي شئ ينجده....
الله جميل وعليم ورحمن ورحيم.....
احمل صفاته وانت راااح توجده......... عجبي !!!! غمض عنيك وارقص بخفة ودلع......
الدنيا هي الشابة وانت الجدع......
تشوف رشاقة خطوتك تعبدك .......
لكن انت لو بصيت لرجليك.....تقع.... عجبي !!!! اوصيك يابني بالقمر والزهور ......
اوصيك باليل القاهرة المسحور .....
وان جيت في بالك اشتري عقد وفل ....
لاي سمرا وقبري اوعااااااااك تزور ..... عجبي !!!! انا شاب لكن عمري الف عام.....
وحيد لكن بين ضلوعي زحاااام ....
خايف ولكن خوفي مني انا .....
اخرس ولكن قلبي مليان كلام ..... عجبي !!!!
ليه يا حبيبتي مابينا دايما سفر ....
ده البعد ذنب كبير لا يغتفر .....
ليه يا حبيبتي مابينا دايما بحور .....
اعدي بحر الاقي غيرو اتحفر ......
عجبي !!!!!
خرج ابن ادم من العدم قلت ياااه ....
رجع ابن ادم للعدم قلت يااااااااااااه ....
تراب بيحيا ...... وحي بيصير تراب ....
الاصل هو الموت ولا الحيااااااه .......
|
