رمضان قرب ،واكيد هتحس انه شهر مختلف،
يعنى هنصلى بذمة ،اللبس هيبقى محتشم ،المصحف هيبقى فى ايدك كتير ،حاجات من دى
وطبعا المسلسلات هتكتر ،ومعاها الاعلانات اللى بتتعاد،وتخنق الواحد ،وهتنعدم الاغانى وهتتغير رنات الموبايلات
وهتعلى اصوات الجوامع
ومعاها اصوات الاطفال اللى بتلعب فى الشارع بالفوانيس ويضربوا صواريخ ،وهيصة
هتكتر العزومات، ياإما هتتعزم ،ياإما هتعزم
المواصلات هتجرى بعد كده، كله عشان يلحق الفطار،
هتسمع اصوات المدافع ،
وعمك بكار هيرجع، وظاظاوجرجير ،وحسين الامام
وهنشوف الناس بتوع الكنافة والقطايف،ومكان ما تروح هتشم ريحة طبيخ كل يوم
دى كلها مظاااهر لرمضان
يمكن بيختلف اول يوم رمضان عند كل واحد ازاى بيقضييه
يعنى فى ناس بتجمع العيلة ويفطروا مع بعض
وفى ناس بتبقى معزومة على الفطار بره
اه صح نسيت اقولكوا على المسحراتى
وانك كل ما تمشى فى حتة بتلاقى فوانيس متعلقة، ايشى فوانيس معدن ،وايشى فوانيس خشب
دى كلها مظاهر لرمضان موجودة فى كل حتة فى مصر يمكن بتختلف من بلد لبلد بس كلهم بيشتركوا فى حاجة واحدة
فطار رمضان ،المحمر والمشمر والمحشى،،،،،،،، وكده
وانت بقه جبت الفانوس ولا لسه
الحق قبل ميخلص
|
