إيه رأيك فى الحب من أول نظرة ؟! ،جربته ؟! جربت أنك أول ما تشوف عيون بنت، تقع فى هواها ،ويطير عقلك، ويقع قلبك فى الغرام ،ويا سلام لو كنت قافل قلبك قدام الحب، وأصحابك سموك مش سمموك( طبيب الهوى)، وكنت بتحل مشاكل العشاق أصحابك،لكنك أول ما شفت عيونها ،وقعت فى حبها، دلوقتى ممكن أقولك مبروك ،للللللللللللللللللوى،بقيت زى ما غنا (وديع الصافى):- (على رمش عيونها قابلت هوى، طار عقلى منى، وقلبى هوى، وأنا ياللى كنت طبيب الهوى ،ولأهل العشق ببيع الدوى، من نظرة لقيتنى صريع الهوى)، وتروح لصحابك، وتوصفهالهم ،الشعر الغجرى يسافر عبر الدنيا، والعيون السود ،أو توصفها، زى ما (وديع الصافى) قال:- (لها ضحكة يا ويلى بلون السهر، لما الورد بيملئ شفايفه قمر، ضحكة لها بالودن أبتسامة القدر، فوق خدود العطاش فى يوم المطر ) الله عليك يا وديع، بس يا خسارة، الحلو ميكملش، إيه رأيك لو روحتلها عشان تعبرلها عن حبك، وأعجابك بيها من أول نظرة ؟! طيب، إيه رأيك لو شفتها مع واحد تانى، الواحد ده ممكن يكون أخوها ،أو أبوها،وممكن كمان يكون خاطبها أو حبيبها ، المهم أنهممكن يكون فى حد، خد إيديها قبليك، ووصل قبل منك لقلبها، وده حظك بقى:- (خدنى شوقى لقيتنى بروح عندها ،حد تانى سبقنى وخد يدها، كان حبيبها وغايب بقاله سنة، والنهارضة وصل على بختى أنا ) ياعينى،يا عينى ،ياعينى على الحب من أول نظرة، نصحتى ليك، متؤمنش بيه أوى،ممكن تبقى فى عشاق حظوظها حلوة فى الحب من أول نظرة ،لكن برضوا فى عشاق ممكن ينصدموا منه ،يعنى زى وديع ،حب وطلعت بتحب غيره،أصل حضرتك لما هتشوفها من أول نظره،مش هتعرف اذا كان قلبها فاضى ولا مشغول ،وتحب ،وبعدها تنصدم بالواقع، وميبقاش قدامك غير أنك تقول:- ( ياليل،،،،،،،،،،،،،،،، يا عين) وأحنا نقولك كممممممممممممممممممممممممممان. |
